मोरङ । किरात राई यायोक्खा केन्द्रीय समितिले वृक्ष रोपन तथा शुभकामना आदानप्रदान गरेर ३८ औं स्थापना दिवस मनाएको छ ।
यायोक्खा केन्द्रीय अध्यक्ष जीवन हाताचो राईको नेतृत्वमा गोकर्णेश्वर नगरपालिका–४ जगडोल काठमाडौं स्थित गोकर्ण स्थित धार्मिक वन क्षेत्रमा वृक्ष रोपन गरेर बिहिबार ३८ औं स्थापना दिवस मनाइएको हो ।
वृक्ष रोपन कार्यक्रममा किरात राई यायोक्खा केन्द्रीय पदाधिकारी सदस्यहरु, भातृ, भाषिक र यायोक्खा जिल्ला पदाधिकारी सदस्यहरुको उपस्थिति रहेको थियो ।
वृक्ष रोपन गर्नुको साथै अध्यक्ष जीवन हाताचो राईबाट विश्वभर रहेका किरात राई लगायतलाई शुभकामना दिनुभएको थियो । कार्यक्रममा नछुङबाट टिका तथा आशिर्वाद ग्रहन भएको थियो ।
